jump to navigation

रित्तो सांझ सेप्टेम्बर 3, 2016

Posted by timecircle in Uncategorized.
add a comment

यो सांझ पनि के सांझ यार विनाको सांझ
उदास, उराठ लाग्दो र प्यार विनाको सांझ ।

मन्द मन्द चालहरु, मन्द ओंठका आहट
सकिएन, भुल्न प्रिय, रफ्तार विनाको सांझ ।

लहराउन्न पछ्यौरी, बज्दैन चुरा अचेल
झस्किन्छ त्यो यादमा कारोवार विनाको सांझ ।

रोकिन्थ्यो हावा, उभिन्थ्यो, खम्वा गाडेझैं जून
वितीगए ति अनौठा, हतार विनाको सांझ ।।

-बालक
२०७३ भाद्र १७
कतार

( गजलका नेपाली संस्करण मोतिराम भट्टका नाममा )

zff

“आमालाई धर्ती भन्नेहरुले बालाई कहिल्यै आकाश भनेनन्” सेप्टेम्बर 1, 2016

Posted by timecircle in Uncategorized.
add a comment

– नीरा शर्मा1235290_10201989369432424_2053607247_n

मैले धेरै पढे
आमाका बेदनाका कथाहरु
तर कहिल्यै पढिन
बाका अनुहारमा सलबलाएका
दु:खका बक्र रेखाहरु
धेरै पटक कविहरुले
आमाकै तारिफमा कविता कोरे
आमाकै गीत संगीत भरे
आमालाई धर्ती भन्नेहरुले
बालाई कहिल्यै आकाश भनेनन्
र त
बा सधै ओझेल परे ।

बारीको डिलमा चुपचाप
ठिंग उभिएको बूढो रुख झैं
बा कहिल्यै उभिएनन्
भन्ज्यांगको चौतारी झैं
ढसमस्स बसेनन् बा कहिल्यै
बा त
हाम्रो अँधेरो मेटाउन
मैन झै जलिरहे
हाम्रा खुसी समेट्न
मोनो रेल झैं चलिरहे
जिन्दगी भर कुदिरहे कुदिरहे
थाकेर सुइय नगरि
सधै एक्लै कुदिरहे
त्यसैले त अग्लिदैछ एक्लोपनको हिमाल
बाको मनभित्र ।

यतिखेर
लम्पसार छ निरस जिन्दगी
बाकै अघिल्तिर
थिचिएर त्रासले सधै
घुरिरहन्छ घ्वारघ्वार
कुम्भकर्णको निद्रामा
बाको अन्योल जिन्दगी
तर बा
कर्कलाको पातमा टलपल पानी झैं
आँसु टिलपिलाएका आँखामा
निद्रा हराएपछि
खुशीहरुको शीला खोज्दैछन्
परेलीका डिलहरुमा ।

बोल्दा बोल्दै भासिन्छ बाको स्वर
बोली बन्द हुन्छ एकाएक
थाहा पाउछु म गला अबरुद्ध भएको
र पनि दबाएर सबै पीडा
मुस्कुराएको अभिनय गर्छन्
म चिन्छु त्यो मुस्कान
त्यो नक्कली मुस्कान
जो बाको होइन
हुदै होइन ।

फुंग रंग उडेका
उदासीका फूलहरु
फुलेका छन् बाका मुहार भरी
चाउरिएर
ग्राफ जस्ता गालाका रेखाहरुमा
कतै एक धर्को सन्तोष छैन
कपाल झरेर खुइलिएको बाको तालुमा
जिम्मेवारीको चर्को घामले
उदाए देखि अस्ताउदा सम्म
ठुंगिरहन्छ ।

भित्र मनमा कता कता
बिगत र आगतको
उही चिन्ताको पहाड उभिएको छ
र बा त्यही पहाडमा उभिएर
संसार जितेको नाटक गर्छन्
अनि बाँड्छन् हामीलाई
पैंचो मागेका उधारा खुसीहरु
तर यथार्थमा
बा हारिरहन्छन् पलपल
मेरो लागि
तिम्रो लागि र
हाम्रो लागि
हो, बा त्यो हरुवा हो
जो सँधै हारिरहन्छन्
केवल सन्तानका लागि ।

poem

ठूला मान्छेहरु सेप्टेम्बर 1, 2016

Posted by timecircle in Uncategorized.
add a comment

hjg

तपाईं सीसी टीभीको निगरानीमा हुनुहुन्छ अगस्ट 29, 2016

Posted by timecircle in Uncategorized.
add a comment

 

–विनोदविक्रम केसी

फुक्काफाल हिँडिरहेछन् चोरहरू
खुलेआम घुमिरहेछन् हत्याराहरू
पुलिसचौकीकै छायामुन्तिर
निष्फिक्री चुरोट फुकिरहेछन् लुटेराहरू
निर्धक्क सिकारमा निस्किरहेछन् बलात्कारीहरू
हाकाहाकी हप्ता उठाइरहेछन् गुन्डाहरू
अलमस्त घूस खाइरहेछन् कर्मचारीहरू
र, यता
तपाईं सीसी टीभीको निगरानीमा हुनुहुन्छ

तपाईं अस्पतालमा बिरामी कुरिरहनुभएको छ
खाडीबाट नआइपुगेको, सद्गत गर्न बाँकी
आफन्तको लास कुरिरहनुभएको छ
चढ्न नसकेर चारवटा बस छोडेपछि
पाँचौं बस कुरिरहनुभएको छ
बजेट भाषणसँगै महँगी घट्ने असम्भव शुभ खबर कुरिरहनुभएको छ
कहिल्यै नआउने सुदिन कुरिरहनुभएको छ
यत्तिकै कसैलाई कुरिरहनुभएको छ
यति मामुली गतिविधिमा संलग्न हुनुहुन्छ र पनि
तपाईं सीसी टीभीको निगरानीमा हुनुहुन्छ

मानौं, अदना मानव बस्तीमा
बम खसाल्न ठिक्क परेर बसेको
बाराक ओबामा हो तपाईं
मानौं, बीच बजारमा आत्मघाती विस्फोट गर्नुअघि
अन्तिम मन्त्र जपिरहेको आतंककारी हो तपाईं

यसरी चौबीसै घन्टा नियालिरहनुपर्ने
कसलाई भय छ तपाईंबाट ?
कुन मितिमा कसको पिठ्यूँमा छुरा घोपेर भाग्नुभयो तपाईं ?
कसको गाँस खोस्नुभयो ?
कसको बास उखेल्नुभयो ?
सृष्टिको प्रथम घडीदेखि
आकाशले नियालिरहेकै त छ
तपाईंको निरपराध जिन्दगीलाई

कसले दियो अधिकार यो एकआँखे गोलटिनलाई
जो तपाईंका समस्त निरीहता निगरानी गरिबस्छ ?
किन कोही अभिलेख राखिबस्छ तपाईंका दुःखहरूको ?
किन यसरी गिज्याइन्छ तपाईंलाई सर्वदा ?

सीसी टीभीलाई तपाईंको पर्वाह छैन
तपाईंको सुरक्षा या असुरक्षा उसको सरोकार होइन
ऊ त डराउँछ, एलिटहरूको भोजनमा बाधा पर्ला कि भनेर
चिन्ता गर्छ, ठूला मान्छेहरूको सुबिस्ता बिथोलिएला कि भनेर
र, घोप्टे नजरले ताकिबस्छ तपाईंलाई

प्रधानमन्त्री, मन्त्री, सांसद, नेता… ठूलाठूला अरूहरू
कदम–कदम शंकास्पद गतिविधिमा संलग्न छन्
र, यता तपाईंचाहिँ
सीसी टीभीको निगरानीमा हुनुहुन्छ

मिठाई सजाइएको सिसाको सोकेसजस्तो
बनाइएको छ यो पृथ्वीलाई
र, तपाईं अबोध बालकजसरी फुटपाथमा उभिएर
हेरिरहनुभएको छ यसै
कुनै घातक कर्म गर्नुभएजस्तो
तपाईं सीसी टीभीको निगरानीमा हुनुहुन्छ ।10271429_487711381364680_6593667841099012799_o

तिजको चुल्हे निम्तो अगस्ट 28, 2016

Posted by timecircle in Uncategorized.
add a comment

dds

कता हिंड्यौ ? अगस्ट 25, 2016

Posted by timecircle in Uncategorized.
add a comment

bhu

हरायो अगस्ट 24, 2016

Posted by timecircle in Uncategorized.
add a comment

dfr

थकाई मारीरहेको थाकन अगस्ट 21, 2016

Posted by timecircle in Uncategorized.
add a comment

कहांको बालुवाको थुप्रो
कहां हरियो च्यादर ओढेको तिम्रो गाउं
तिमी गनीरहेका होलाउ
जिवनका रेखा रेखा,
तन्किरहेको होला तिम्रो मन
गन्तव्य भेट्न मर्स्याङ्गदीको,
टुक्रुक्क ढिस्कोमा बसेर
तिमी नापीरहेका होलाउ
धर्को जस्तो बाटो,

हे युवा !
तिम्रो मुटुको टुक्रा,
आंखाको रङ
मुजा परेका बा का निधारको बुढ्यौली
र तिमी लहराएको आमाको काख
चटक्कै छाडेर
जहां आज निर्वासित छौ,
हो,
त्यही बाटोको धर्सो भएर
दूर दूर भएका थियौ
लुरुलुरु तिमी एक्लै,
थाकेर चुर चुर
थाकनको बेसी,
थकाइ मारीरहेछ बरको फेदमा
तिमीलाई नै कुरेर
चिसो हावामा बयली खेल्दै ।

-बालक
२०७३ भाद्र ३
कतार11011532_989754181057024_5050996022389846392_n

निधो भयो अगस्ट 19, 2016

Posted by timecircle in Uncategorized.
add a comment

fgt

हत्यारो शहर अगस्ट 18, 2016

Posted by timecircle in Uncategorized.
add a comment

wq