jump to navigation

हिजो र आज एक अनुभव डिसेम्बर 1, 2016

Posted by timecircle in Uncategorized.
add a comment

हिजो
म मेरै घुमाउने घरको मालिक थिए
जव तिमी
लुखुर लुखुर एक जाडोको बिहान
सुरक्षित छिरेथ्यौ मेरो दैलोबाट
मिठो गरी चपाएथ्यौ मकै र भट्ट
गुन्द्रुकको अचार र महिको कचौरा
स्वाद मानेर सिनित्तै पारेथ्यौ
तिमीले देखेका थियौ नी
सुन्दर थियो मेरो गाउ
शान्त थियो हावा
गाढा निलो थियो आकाश
पहारिलो घामको तातो
तिम्रो शहर देखी निक्कै टाढा
त्यही सौताने पाटोमा परेको मेरो गाउ
हरेक यामको जाडो झेलेर उस्तै छ
एउटै कुरा मात्र फरक छ
त्यो सुन्दरता हेर्ने मान्छे हराएको छ ।
आज
तिमी मालिक भएका छौ
म सडकमा ओर्लिएको छु
मैले
न मेरो माटो भन्न पाएको छु
न मेरो बाटो भन्न पाएको छु
न मेरो पानी भन्न पाएको छु
न मेरो जवानी भन्न पाएको छु
विश्व मानचित्रमा
म संग बचेको छ त केवल
मेरो माग्ने झोला
फाटेको इज्जत
असुरक्षित मन
र होचो कदको हरियो पासपोर्ट ।
-बालक
२०७३ मार्ग १५
कतारimg_20161111_175455_1