jump to navigation

छिमेकीको कपट अक्टोबर 23, 2015

Posted by timecircle in Uncategorized.
trackback

ma।। लघुकथा ।।

रुपन्देहीको लुम्विनी नजिकै विसनपुरा गाउँ छ । त्यहां एउटा सानो र सुन्दर परिवार थियो । एक छोरा र एक छोरी सहितको परिवारमा चन्दनकी श्रीमती हिसी परेकी राम्री थिई । एक छिमेकीको उ माथी आंखा लाग्यो, उसले मेलापात , रातसांझ पारेर बलजफ्ती गर्ने दुष्प्रयास गरिरहृयो तर चन्दनकी श्रीमतीले उसलाई नजिक पर्न दिइन । छिमेकी कपटी थियो कहिले गोरु फुकाएर सांधको उसको खेतीमा लगाइदिन्थ्यो कहिले सांधको ढिस्को फुट्ने गरी खन्दथ्यो । चन्दन यी सबै नदेखेझैं गर्दथ्यो र कुनै प्रतिक्रीया जनाउंदैनथ्यो कारण उसलाइ वेला वेलामा त्यो वदनियत भएको छिमेकीले टन्न रक्सी मासु खुवाउंदथ्यो । चन्दन काम विशेषले बाहिर गएको एक रात उसले घरभित्रै पसेर चन्दनकी श्रीमतीलाई समात्यो । साना नानीहरु सुतिसकेका थिए, उ चिच्याउन खोजी तर त्यो असत्ती छिमेकीले मुख समातेर आवाज निकाले काटीदिन्छु भन्दै हतियार देखायो । उद्धेश्य सहित पसेको त्यो पापीको खुन खरावी गर्ने मनसाय देखेपछी उसले अंध्यारोमा छोराछोरीको अनुहार छामी र बांच्ने लोभ लाग्यो । चन्दनकी श्रीमतीले चुपचाप आफुलाइ उसका अगाडी समर्पण गरी र बांकी रात रोएर कटाई । बदनाम हुने डर र लोग्नेको थप प्रताडनाको डरले यो अपराध उसले गुपचुपमा राखी । त्यो कपटी छिमेकीको मन त्येतीले मात्र शान्त भएन उसको उद्धेश्य सबै घर जग्गा हडप्ने थियो । गाउंभन्दा पर जांदा रक्सीले मातेर चन्दनको श्रीमतीले अर्कैसंग पिरती लाएकी छ नी भन्दै हल्ला मच्चाउंदै गर्‍यो । एक कान दुइ कान मैदान हुंदै चन्दनका कानमा पनि त्यो कुरा पर्‍यो । आफ्नी श्रीमती पहिले भन्दा फरक जे गर्दा पनि झोक्राइरहने गरेको देखेको चन्दनलाई यो कुराले झस्कायो र पत्यायो । लोग्ने स्वास्नीको झगडा जमेर शुरु भयो र क्रमश केही वर्षहरु यसरी वितेर गए । यसैबिच केटाकेटी ठूला भए, घर झगडाको कारण स्कुल पढ्न पनि पाएनन्, फलस्वरुप बालमनस्थितीमा नराम्रो चोट पुग्यो । चौध नलाग्दै उसको छोराले घर छोडेर मुग्लान भासीयो । तैंले गर्दा छोरो मुग्लान पस्यो भनेर लोग्ने स्वास्नी बीच आरोप प्रत्यारोप चल्यो । वेला वेलामा त्यही छिमेकीले चन्दनलाइ गज्जबले स्वागत सत्कार गर्‍यो र भन्यो तेरी श्रीमती राम्री परीन, तैंले दुख पाइस । उ घरमा आएर श्रीमती कुट्न थाल्यो । झगडा बढ्दै गएपछी पञ्चायत बस्यो र चन्दनकी श्रीमतीलाइ दोषी ठहरायो । उसले लोग्नेले गरेको ज्यादती विरुद्धमा वन घुसरी थानामा निवेदन गरी । थानामा पुलिसले दुवैको कुरा गम्भिरसंग सुन्यो र लोग्नेको गल्ती देखाइ रु ८०००// जरीवाना गरेर मेलमीलाप गराइ अब उप्रान्त गल्ती नदोहोर्‍याउने कागज गरेर घर पठायो । त्यही छिमेकीलाई जग्गा बेचेर चन्दनले पुलिसको हर्जाना तिर्‍यो । यता चन्दनको बचेको सानो तरकारी लगाएको जग्गामा त्येही छिमेकीले बाख्रा चराउन किलो गाड्यो । चन्दनकी श्रीमतीलाई माया लाग्यो र हकारी । सांझ चन्दनलाई त्यो छिमेकीले होटलमा टन्न रक्सी खुवायो र भन्यो तेरी श्रीमती त राक्षस निक्ली हेर बिहान एकैछीन मेरो बाख्रा घाम ताप्न तेरो गह्रोमा बांधेको के थिए संसार उचालेर गाली गरी । रक्सीको मातमा चन्दनले घरमा आएर स्वास्नी पिट्यो । श्रीमतीले प्रतिवाद गरी उसले अझै पिट्यो, सहन सकिन बिचरीले र नजीकैको दाउराको चिर्पटले चन्दनलाइ हानी । उ घाइते भयो । त्यो कपटी छिमेकीले भोलीपल्ट बिहान पुलीस बोलायो र श्रीमतीले सोझो लोग्ने मार्ने उद्योग गरेको गम्भिर अभियोग लगाइयो । पुलसिले घरमा पालेको कुखुराको भाले समेत च्याप्यो र दुबै लोग्ने स्वास्नीलाई थाना लगेर गयो । मुद्धा लोग्ने स्वास्नीको फेरी वन घुसरी थानामा पुग्यो । धेरै छलफलपछी त्यही छिमेकीकै रोहवरमा चन्दनकी श्रीमतीले गल्ती गरेको ठहर गर्‍यो र रु ५०००// जरीवाना थानामा बुुझाउन निर्णय सुनाएर मिलापत्र गराई घर पठायो । अरु टोल छिमेकका हेरेर मज्जाले हांसे र रमाइलो मानेर तमाशा हेरे तर कसैले उनीहरु बिचको समस्या र समाधानका ’bout चासो लिएनन । लोग्ने स्वास्नी बिच पुरिनै नसक्ने खाडल पर्दै गयो । छोराछोरीको भविष्य चकनाचुर भयो, जग्गा जमीन बेचेर सकियो । गल्ती कहांनेर र कसले गर्‍यो भनेर दुबै जनाले कहिल्यै समीक्षा गरेनन न त पालैपालो घरको सम्पती बाहिरिंदा र नोक्सान भैरहंदा त्यसको समीक्षा गरे बरु एकले अर्कालाई दोषी देखीरहे । यसैको फाइदा लिई छिमेकीले मान, प्रतिष्ठा, जग्गा, जमीन सबै हडप्यो । चन्दनका लोग्ने स्वास्नी आंखै अगाडी यो बर्बादीको तस्विर हेरीरहे र आफ्नो अनी छोराछोरीको भविष्य ध्वस्त बनाइरहे ।
।। बालक ।।
२०७२ कार्तिक ०६
दोहा, कतार

Advertisements

टिप्पणीहरु»

No comments yet — be the first.

जवाफ लेख्नुहोस्

Fill in your details below or click an icon to log in:

WordPress.com Logo

You are commenting using your WordPress.com account. Log Out / बदल्नुहोस )

Twitter picture

You are commenting using your Twitter account. Log Out / बदल्नुहोस )

Facebook photo

You are commenting using your Facebook account. Log Out / बदल्नुहोस )

Google+ photo

You are commenting using your Google+ account. Log Out / बदल्नुहोस )

%d bloggers like this: