jump to navigation

समुन्द्र पारीबाट शन्देस सेप्टेम्बर 20, 2015

Posted by timecircle in Uncategorized.
trackback

गाउंघरतिर आजकल
पानी बाराबार छ रे
थेप्चे, चुच्चे, काला, गोरा
गाउं, बेशीघरे बिच बोलचाल बन्द छ रे
कोहि भाला खुकुरी बोकेर आउलान
गाउंतिर कोही बन्दुक बोकेर पस्लान
हिंडने बाटो एउटै हो
बाटैमा हाम्रो घर छ
दिने केही नभए पनि
चिसो पानी पिलाएर पठाउ है
सबै आफ्नै त हुन नी
कुनैदिन यी कुरा बुझ्लान नी
आमा तिमी त जननी हौ
गाली नगर है कसैलाई
सबै बहादुर नेपाली हुन ।
सबै स्वाभिमानी नेपाली हुन ।।

ईलामको कामी र दार्चुलाको बाहुन
परदेशमा भान्छा एउटै छ हाम्रो
सोलुको शेर्पा र जनकपूरको यादव
सुत्ने सिरानी एउटै छ हाम्रो
म्याग्दीको मगर र लमजुगंको गुरुगं
बस्ने ओत एउटै छ हाम्रो
सिंजाको क्षेत्री र बर्दियाको थारु
नेपाली जात एउटै छ हाम्रो
त्यहां अर्कैको लागि भाई भाई लडेका छन रे
देशकै पहिचान हराएका वेला जातको चाहियो रे
यता त्यस्तो हल्ला छैन
त्यताको हल्ला त म बुझ्दैन
आमा तिमी त जननी हौ
गाली नगर है कसैलाई
सबै बहादुर नेपाली हुन ।
सबै स्वाभिमानी नेपाली हुन ।।

बुद्ध भूमी भन्दा पर यहां सानो नेपाल छ
हाम्रो एकता छ र यस्तो आवाज छ
जुम्लाको स्याउ, हेलम्बुको सुन्तला
सोली बोकेर जानकी भेट्न जाने सल्लाह भो
सप्तरीको ‘कतर्नी’, बर्दियाको दाल
कोशेली लिएर मुक्तीनाथ भेट्न जाने निधो भो
खप्तडको टुसा, सिन्धुलीको अचार
छठ र माघीमा सामेल हुनेभो
देश बाहिर गएर हेर त
कति सुन्दर देखिन्छ हिमाल
मरुभूमीको यात्रा गर त
बगैंचा झैं छ तिम्रो आंगनको झार
आमा तिमी त जननी हौ
गाली नगर है कसैलाई
सबै बहादुर नेपाली हुन ।
सबै स्वाभिमानी नेपाली हुन ।।

हाम्रो भविष्यमाथी तिमी नखेल
हाम्रो सपनाको वली नचढाउ
सबैले प्रदेश हैन
मेरो देश भनेको सुन्ने रहर भो
झगडा त प्रदेशका लागि हैन
देशको सिमा रक्षाका लागि गरे हुंदो हो
बिग्रेकै के छ र
झगडा त अज्ञानताले हुने हो
एक आपसमा हात मिलाउ
कसम त देश बनाउने खाउ
समुन्द्रपारबाट यो हाम्रो सन्देश हो
तिम्रो क्षमता त निर्माणमा लगाउ
आमा तिमी त जननी हौ
गाली नगर है कसैलाई
सबै बहादुर नेपाली हुन ।
सबै स्वाभिमानी नेपाली हुन ।।
–वालक
photo c&pFB_IMG_1442255104576

Advertisements

टिप्पणीहरु»

No comments yet — be the first.

जवाफ लेख्नुहोस्

Fill in your details below or click an icon to log in:

WordPress.com Logo

You are commenting using your WordPress.com account. Log Out / बदल्नुहोस )

Twitter picture

You are commenting using your Twitter account. Log Out / बदल्नुहोस )

Facebook photo

You are commenting using your Facebook account. Log Out / बदल्नुहोस )

Google+ photo

You are commenting using your Google+ account. Log Out / बदल्नुहोस )

%d bloggers like this: